Humble enough to say Thank You
Rev. Dongzathong
Humble enough to say Thank You, big enough to say I was Wrong, secure enough to say I Lost
Charles Swindoll in "Do you look for subtle ways to pay back when someone gives to you? or can you simply and graciously say, " thank you"? If your pride is under proper restraint, you could even be vulnerable enough to say, "you know, I really needed what you gave me. Thank you"(grace awakenning,272) chi hi.
Mi ki liansah ten kaki pah chi hahsa sa uhi. Khusang in koima panpina la ut lou jaw uhi. Kipathu genna ding khu sum leh silpiah chauh hilou hi. Na pastor pa kung a sermon na phattuam pi na gen lam bang chih lai atai?
Nikhat Pu T.Hangzo IRS retd in mipi lah ah hing suikhia in " nang mu lou a kik sawm lou ka hi" chiin n RM a ka articlete a phattuam dan hing gen hi. K a jum seng a gen di ka thei sih hi. Ahin ka jil khiah khu mi lian te ki ngainiem dan thupi ka sa seng hi. Ahin mi tam jawte mi apat blessing adiah a hagau lam blessing itan te gen di khu hamsa isa hi. Tua ahing dal khu jumna hilou in ki hisahna ahi. Eite pen kipa thu ki gen leng ki hisah kha va ki chi hi. Hagau miten midangte( ama uh sang a neujawte jong) ahoina uh a mu siem thei mama uhi. Ami a en lou a hoi isah a, iphattuampi chuh gen a, theisah pen ki ngainiemna ga ahi. Miki liansah ten na bol hoi, ka phattuam pi, nang umlou leh chiin bang ka suah di uai chi ding hamsa sa uhi.
2. *Big enough to say I was wrong. I am sorry.*
Ki buaina phot ah lawmta hiin, nupa kal hiin, hattuam hileh group hita leh kei a dih lou jaw ka hi chi masa pen pen khu a hagau mi jaw ahi mai hi. I nam uh i buaina khu a dihjaw ding ki tu ngen ihi. I gam uah kou namte ka hi uh a gi lou pen ki chi chiat lei revival gim nam pan ding hi. Hattuam jong kou hattuam a chau pen ka hi uh chi chiat lei Pasian Hagau pawl na tan bai jaw ding hi. Ka dih lou jaw chite khu adih jawte suah jel hi. Dih kisate khu dih aki sahna lai tah uah guallel suah uhi. Hikhu Pasian leng ki vaihawm daan ahi.
3. *Secure Enough to say "you won. I lost..".or secure enough to take defeat and failure*
Guallelna i pawm thei lou mama uh jong ahi i guallelna uh. Bangkim a lian pen, a hoi pen, a nop pen tan sawm ten kipahna mu ngei lou ding uhi.
Japan ten ww2 a aguallel uh tuni tan pom nai lou uhi. Tutung MLA ki teel jou a ching lou tam piin " eite a guaj joujaw ihi...." chi in guallelna pawm lou a gual jou daan a ann kuang lui tam mama hi. USA president kitel result ki puan jou chiang a guallel pen pen in concession speech apiah tei tei ding ngah uhi.
UFC or any game chia sapte a lunglet dan uh mutheina chuh a alangpa uh hat dan hing gen tei tei uhi. Ei hilei chuh jannitah in ka lum hah a, ka sung a khaw a, tulai ka mood a flop a chin paulam ki hau ding hi.
Ka lel ta, ka jou sih, ama a bol thei jaw....chi gen na ding in mi secure mama ngai hi.Tate toh iki mawl chia ama uh ki jou sah tei tei hi. Guallel ki teel hi. Ajieh pen pa ihi. Tua mabang in pa lungsim pua ten guallel la ngam ding ua, na hat dan chi hamsa sa lou uhi.
Tunia guallelna i tel ngam na ding uh bang jieh e chi lei a judge khu Pasian ahi a, a result khu ki puang nailou hi. Tualeh Hagau lam thukhenna jattuam hi. So, we can wait happily and accept the seeming defeat for now...
Tunia igen thank you chi ding in ki ngaineim vai in, ka khiel jaw chi ding in lungsim liansah vai in, ka guallel chi ngam ding in lungsim lian paw vai.
